Horoscopion Apiani generale dignoscendis horis cujuscumque generis aptissimum, nêque id ex sole tantum interdiu, sed & noctu ex luna, aliisque planetis & stellis quibusdam fixis, quo per universum rhomanum imperium atque adèo ubivis gentium uti queas, adjuncta ratione, qua utaris, expeditissima, nunc ab illo primum & inventum & æditum. His accedit distantiarum, altitudinum, & profunditatum per idem hoc instrumentum dimetiendarum ratio longè accuratissima & ingeniosa. Similiter in quam altitudinem aqua naturaliter citrà omne artis beneficium, deinde quanto sublimius scaturigine sua adminiculo artis per cannales deduci possit. Nocturna quóque adnexa est observatio horaria ex digitis manuum, priori illa quæ superiori anno unâ cum Quadrante ædita est, tum promptior tum expeditior.