Jacobus Androuetius du Cerceau. Lectoribus. S. En vobis candidi lectores et architecturæ studiosi quinque et viginti exempla arcuum partim a me inventa, partim ex veterum sumpta monumentis tum Romæ tum alibi etiam num extantibus : ut inscriptio sua cujusque arcus indicabit. Et quemadmodum in antiquis arcubus easdem columnas, easdem coronas, eadem epistylia, eundemque ornatum secutus sum : ita a me excogitatos quam proxime ad antiquorum rationem et simmetriam juxta suum cujusque genus expressi. Quo fit ut omnes ædificandi studiosi nullum in hoc libro genus arcuum desiderent. Hunc nostrum laborem et industriam adjuvandis vestris ingeniis dedicatam quæso boni consulite.